الرئيسية
يا بحر
في يوم من أيام الله جانا اخبارو
والديه ابكاو أو بلخبار هارو
ضحايا لبحر ف عالمنا اكثارو
من بعد الحلم غاب أو ضاع طيارو
هذك احميدة كان كل يوم ايضحكنا ف الميدة
أو هذيك خديجة كانت اتزغرت في كل عيدة
جرفاتم الأحلام وكانت لحزان هي السباب
القهرة والحكرة أو جور ليام وزيد الصعاب
ما انلومو انلوم الحاكر والظالم انلوم الكذاب
امشات خديجة واحميدة او حتى واحد ما تاب
يا قاري لحزان عارف راه نكروك لحباب
همك ف صدري مكتوب بحبر امذهب
يا احميدة أو ياخديجة من الشباب للشيب
انعاود قصة لبحار او نحكي اعلى يوم لخبار
انعود قصة كل من هو مذبوح من عند الأشرار
نحكي قصة لمهاجر بين الظلام واعماق لبحار
قصة اختي أو خويا قصة كل من جابو لخبار
يا ابحر حن اعلينا راك وحدك الي باقي لينا
يا ابحر خلي المسكين ايحقق لحلام الي ابنينا
يا ابحر ما تقتل هاذوك الي مزال باقي فينا
يا ابحر لبلاد راجعين مهما زيدنا أو اتسرينا
مراد الغيواني
20 / 11 / 2006
الصاحب
ما انجامل ما نتجمل ربي العالم
ما ف لقلوب الطيبة راني نتكلم
ليهم ديما او اعلى الدوام نترحم
بكلام نبني ليه اقصر عالي امنجم
اقصر لحترام ولوفى قصر امسلم
اعرفت ناس او ناس أومزال
انقلب اعلى اقلوب الرحمان
في كل لبقاع او كل موال
انغني اعليه ألحان زينة
انزول لغشاوة وسواد الظلال
او كل كلمة انشوفها احزينة
ما انجامل ما نتجمل يا انسان
بغي الصفة باغي لمان
باغي الصاحب ايكون ديما فرحان
الرضى ليه على طول الدوام
تتحق ليه كل رية اجميلة أو جميع لحلام
مراد النايمي الغيواني 25 / 11 / 2006
خليوها تزيان
خليو الفرحة اتنوربنورها كل امكان
واش ما اكفاكم الي طاري يا إنسان
قهرة حكرة أو ذل نقصان أو حرمان
اتنتوم الي اتبدلتوم لا اتلومو الزمان
خليوها تزيان
إلي عندو راكم زيدتوه
ولي ما عندو بظلمكم اخليتوه
لعقول والزين فيها راكم بعتوه
والخاوي ما فيها بالجهل وظفتوه
خليوها تزيان
هذا ايبيع ويشري ف لحشيش
قلتو ما فيه عيب ولا اتخرشيش
ابنى العمارات قدام الفريش
واقتل عشرة أو عشرات باش ايعيش
خليوها تزيان
أو هذاك مسكين ايبيع لبطاطة
اتبعتوه بالضريبة والزرواطة
ديرتو ليه في احياتو قناطة
هايم ف الدنيا حفيان ابلا سباطة
خليوها تزيان
باركة من الضحك اعلينا في البرلمان
نورونا وإحنا عارفين أش كاين
راه لكذوب اينقسو من قيمتك يا إنسان
والعيوب إذا كترات جانا الطوفان
خليوها تزيان
شحال من اكلام اتقال أو يتقال
أو لازم ف يوم رها تتبدل لحوال
ردّ بالك راه غدي ايزول الذلال
بينا أو بيكم وانعيشو ف لحلال
خليوها تزيان
مراد النايمي الغيواني
28 / 11 / 2006
شوف ... النحل ؟
تبعنا الخوف أو أجي شوف ما دارو فينا
واش احنا ابنا دم أولا غير اقباب ايضحكوا أعلينا
أولا احنا نمل ايطيع الحاكمة فيهم راه أعينا
الدبان القى عشوا وارتاح فيه أو احنا كاع ما القينا
العقرب في جحروا باني اقصر أو احنا ما ابنينا
جرحونا أو ذبحونا أو احنا ساكتين أو كأننا ما حسينا
اشراو لينا اسلاسل اتقال أو بحبال كتفونا أو علقونا
واش ما اكفاهم قهر الزمان أو ما جربناه أو قصينا
حاسدين حاقدين حاكرين كلشي حتى الصغير فينا
أو لازم لازم ف يوم ايقوم النحل من اجباحو يحمينا
ايهز اسلاح الحق إلي ضيعناه أو بعنا فيه أو اشرينا
الشامت مشموت والهازء مفتون نتمنى ذاك اليوم ايجينا
باش يرسى الحق وادروبو وتقوا الكلمة الزوينا
ويزول الخوف أو ترجع الراحة إلي إحنا راه انسينا
شوفوا العلة فين أو فين راه غدي ايتبعونا
مهمى ديرنا أو داروا راه ما غدي ايتركونا
الزمان اتبدل أو آنت أمبهدل في ازمان فيه اقصينا
وقصا الحق من بعد ما اضعف واقوا الضعيف فينا
مراد النايمي
عدل سابقا من قبل karix في الجمعة 20 يونيو 2008 - 14:15 عدل 1 مرات
