عبد الكريم العروسي أشعار .برامج .شروحات البرامج


    الزجل المغربي

    شاطر

    karix
    مديــــر المنتدى

    ذكر
    عدد الرسائل : 117
    العمر : 31
    الصور الشخصية : 0
    تاريخ التسجيل : 18/01/2007

    ملف الشخصي
    الأول: 1

    الزجل المغربي

    مُساهمة من طرف karix في الثلاثاء 29 أبريل 2008 - 16:58



    الصاحب


    مجروح والجرح في لعماق مغروز
    راه عندي قلب واحد مشي جوج
    راه الصاحب مهما كان راه معزوز
    ما ايتبع لكلام الي ايشيع ويروج

    الصاحب اينور الطريق الضايقة
    ما ايظلمها أو ف الشدة تلقاه
    الصاحب يتعرف في الرخف والخانقة
    مشي غير وقت الفرحة اتكون امعاه

    الصاحب أو واه يالصاحب
    مالك ارجعتي ديما غاضب
    واش انسيتي أوراك سارب
    مالها نفسك وانت راك امعذب

    الصحبة ما يوزنها ميزان
    اوما تتقرى في اكتاب
    الصحبة حب أو اوكان
    وكفوفها فكر الشباب

    الصاحب ما ينسى ولا يتنسى
    والصحبة كلمة اتقيلة
    الصاحب من عادتو ما يتشفى
    أو ما اتكون نفسو مرخوفة اعليلة

    الصاحب امراية انخوه
    ايوجهو او ايرشدو
    ما ايدير ما دار اعدوه
    الصاحب يا الصاحب
    مراد الغيواني النايمي

    19 / 11 / 2006



    العشارية

    هاجروني لحباب او حتى لصحاب
    وليت بينهم يا خوتي من الأغراب
    ما اعرفت اش اطرى ليهم والسباب
    بقيت حيران آمنت ياخي بالمكتاب

    الدنيا هذي؟ آخرها راجعين نالتراب
    ما ابقيت قادر نفتاح ولا نقرى اكتاب
    ادوني في لمحان او زادو لعذاب
    راه الصديق ف وقت الشدة ينصاب

    إذا كانت الفرحة يفرح حتى السحاب
    ملي كيحضر الما أو حتى الضباب
    مراد الغيواني النايمي

    17 / 11 / 2006



    الشمس

    الشمس طلعات أوما نورات
    مالها احزينة ما ابقات احكات
    الضباب اشطنها ملي شرقات
    والشتا دارت طوفان ملي صبات

    أشنو احكيتها او مالها ما هدرات
    راه اقصات اعليها ليام وتبدلات
    الشمس ولا ليها احكاية مجهولة
    كي احكاية منهو احياتو مربولة

    الشمس أصلها نور واليوم معلولة
    راه الحياة اتخلطات أو ما انقولة
    حيت راه كلشي عارف الماقولة
    راه قرص النحل فيه اعسولة

    أش اداك نالصبر يالشمس واعلاش
    اتوحشنا نورك امشيتي أو ما قلتي لاش
    واش اقصيتي أولا حتى إنتي عايشة بالتحراش
    يكفانا ما ايدير لبنادم امع خاه من تحشاش

    راه كلشي ما ابقى معقول كلشي فيه لخشاش
    ولبنادم عارفو من طبعو أنو امكبر أوغشاش
    أما انتي صراحة حيرت في قصتك
    ما اعرفت ابدايتها أو شنو مسك

    رجعي نوري راه الظلام وسخك
    أو احنى محتاجين ليك ونصحتك
    بيها ندفاو أو ننساو كل ما فاتك
    ننساوالي فاتك ملي اسمعنا قصتك

    مراد الغيوان النايمي

    19 / 11 / 2006
    [/u][/b]

      الوقت/التاريخ الآن هو الأحد 11 ديسمبر 2016 - 2:55